“Cavab oyununa hazırlaşacağıq”

UEFA Konfrans Liqasının III təsnifat mərhələsinin “Dinamo” (Kiyev, Ukrayna) - “Qarabağ” oyunundan (1:0) sonra komandamızın baş məşqçisi Qurban Qurbanovun iştirakı ilə mətbuat konfransı keçirilib. Təcrübəli mütəxəssis qarşılaşma barədə fikirlərini bildirib:

“Qarşımızda çox yaxşı müdafiə olunan və sürətli əks-hücumlara keçən komanda var idi. Sürəti bir az artırmaq lazım idi. Bəlkə də, hava şəraiti buna imkan vermədi. Çünki çox isti idi. Cavab görüşünə 5-6 gün vaxtımız olacaq. Bakıya qayıtdıqdan sonra bu görüşü analiz edib, cavab oyununa hazırlaşacağıq”.