Cavadov:` Rusiyaya qol vurmağa çalışacam`
12 Fev 2009
Cavadov:` Rusiyaya qol vurmağa çalışacam`
`Qarabağ`ımızın forvardı Vaqif Cavadov ölkəmizin ən perspektivli futbolçularından sayılır. 19 yaşlı hücumçu son oyunlarda göstərdiyi əla formayla rəğbət qazanmışdı. Futbolçumuz millinin heyətində dünən gecə `Küveyt`lə qarşılaşmada qol vuraraq yığma heyətində qol hesabını da açıb. Təsadüfi deyil ki, hər iki millinin baş məşqçisi ən yaxşı futbolçu kimi Vaqifin adını çəkib. Cavadov saytımıza verdiyi açıqlamada bu barədə fikirlərini bildirib:` Sevinirəm ki, millidə qol vurdum. Çox təəssüflər olsun ki, qələbə qazana bilmədik. Əla şansımız var idi. Vurduğum qol qələbə gətirsəydi əla olardı. İnşallah, Rusiyaya da qol vurmağa çalışacam. Hər halda, azdan-çoxdan Rusiya futboluna bələdəm. Amma, yenə də qeyd edirəm, Rusiyadan xal alsaq bu bütün komandanın əməyi olacaq. Zənnimcə, bizim komanda buna layiqdir. Oyunun müəyyən anları göstərdi ki, bunu bacara bilərik.`