ÇEMPİONLAR ÇEMPİONU - "BARSELONA" ! ! !

Çempionlar Liqası başa çatdı və artıq Çempionlar Çempionu müəyyənləşdi. Fransanın "Stad De Frans" stadionunda baş tutan Final mücadiləsində "Barselona" "Arsenal"la qarşılaşdı. Oyunda hesabı açan tərəf ingilislər oldu. Hətta ikinci hissəyə Kempelin 37-ci dəqiqədə vurduğu qol sayəsində qalib durumda başladılar. Lakin "Arsenal"ın bundan artığına gücü çatmadı. Daha doğrusu, hakimin Lemana qırmızı vərəqə göstərməsi "Barselona" üçün göydəndüşmə oldu. Bir futbolçu üstünlüyündən məharətlə istifadə edən ispanlar 5 dəqiqə ərzində ingilisləri iki dəfə meydana mərkəzdən başlamağa məcbur etdi. Əvvəlcə 76-ci dəqiqədə Eto hesabı bərabərləşdirdi. 81-ci dəqiqədə isə Belletti Çempionlar Liqasının kubokunu alacaq bir qola imza atdı.... Beləliklə, "Barselona" tarixində ikinci dəfə Çempionlar Çempionu adını qazanaraq, kuboku İspaniyaya apardı.