Çempionlar Liqasının püşkü atılacaq

Bu gün Çempionlar Liqasının III təsnifat mərhələsinin püşkü atılacaq. İsveçrənin Nyon şəhərində keçiriləcək tədbir Bakı vaxtı ilə saat 14:00-da başlayacaq.

Mərasimdə komandamızın da mümkün rəqibləri bəlli olacaq. Püşkatmadan öncə cütlər qruplara bölünüb.

“Qarabağ”ın “Linkoln”la cütü 1-ci qrupda səpələnmişlərdən olacaq. 

Çempionlar yolu
1-ci qrup
Səpələnmişlər
"Linkoln" – "Qarabağ" cütünün qalibi
"Selye" – "Slovan" cütünün qalibi
"Styaua" – "Makkabi" T-Ə cütünün qalibi

Səpələnməmişlər
"Lüdoqorets" – "Dinamo" Mn cütünün qalibi
"Şemrok Rovers" – "Sparta" cütünün qalibi 
APOEL – "Petrokub" cütünün qalibi

Qeyd edək ki, II təsnifat mərhələsinin “Linkoln”la oyunları iyulun 23-də və 30-da keçiriləcək. Növbəti raundun matçları avqustun 6-7-də və 13-də baş tutacaq.