CƏNUBDAN ƏLİBOŞ . . .

XƏZƏR-L" 2-0 "QARABAĞ" Oyun başlayan kimi, hər iki komanda meydanın mərkəzi uğrunda mübarizəyə başladı. Oyunun 5-ci dəqiqəsində Zaur Ramazanov asmaya çata bilmədi. Əvəzində iki dəqiqə sonra Nasif Haqverdiyevin gözəl zərbəsi qapı çatından azacıq aralı keçdi. Oyunda ilk 100%-li qol epizodunu "Qarabağ" yaratdı. Yandan Romalın qarşısındakı oyunçunu arxada qoyaraq ötürməsini Samir 2 metrdən qapıya vurmağa borclu idi. Lakin müdafiəçinin bilərəkdən hücumçunun arxasından tutaraq yıxmasına hakim göz yumdu. Lakin bu epizod 11 metrlik epizod idi. Meydanın mərkəzində cərəyan edən birinci hissədə daha bir qol vəziyyəti 41-ci dəqiqədə yarandı. Çoxdegişli kombinasiyada Vasifin son ötürməsini Ramal gözəl zərbə ilə tamamlasa da qapıçı qolun qarşısını ala bildi. Oyunun ikinci hissəsi də analoji ssenari üzrə davam etdi. Lakin 60-cı dəqiqədə Rəşad Abdullayevin cərimə zərbəsindən kuryoz qolu oyunda ab-havanı dəyişdirdi. Qoldan sonra irəli atılan komandamız 80-ci dəqiqədə əks hücumun qurbanı oldu. Bu dəfə Diaz topu qapımızdan keçirdi. Oyunun sonunda hesab arasındakı fərqi azaltmaq istəyi meydanın "Xəzər"ə aid hissəsində matçın cərəyan etməsinə səbəb olsa da, hesab dəyişmədi...