DAHA BİR FUTBOLÇU BAXIŞDADIR

“Qarabağ” Antalyada təlim-məşq toplanışını davam etdirir. Bu gün komanda səhər məşqə çıxmadı. Axşam “Çorumspor”la hazırlıq matçı oynanılacağından baş məşqçi Rasim Kara komandanı səhər məşqindən azad etdi. Bu arada bu gün komandamıza yeni bir oyunçu baxışa gəlib. Fil Dişi Sahilindən olan Yakoba Sissenin 26 yaşı var. Hüçumcudur.  186 sm boya, 76 kq çəkiyə malikdir. Millisinin müxtəlif yaş komandalarının formasını geyinib. Son 4 ildə  Tunis çempionatında top qovub. Komandamızın baş məşqçisi Rasim Karadan öyrəndik ki, axşamkı oyunda hücumçuya şans verməsi gözlənilir. Futbolçunun gecə yol gəlməsinə baxmayaraq Sisse oynamağa hazır olduğunu bildirib. Hal-hazırda Tunis çempionatı davam etdiyindən Yakuba formada olduğunu və bu gün ki, matçda oynamaq istədiyini bildirib. Sissenin taleyinə Antalya hazırlığında aydınlıq gələcək. Rasim hoca Sissenin özünü göstərməsi üçün əlavə maca ehtiyac olduğunu bildirib.