DAHA BİR FUTBOLÇU BAXIŞDADIR

“Qarabağ” Futbol Klubu Hazırlığının növbəti günündə sıralarına daha bir isim qatılıb. Daha doğrusu növbəti hücumçu baxışa gəlib. Fil Dişi Sahilindən olan Simon Koffi Yao yaxın günlərdə özünü təlim-məşq toplanışında yaxşı tərəfdən göstərməlidir. 1982-ci ildə dünyaya gəlmiş hücum mövqeyində, yarımmüdafiə xəttində eyni uğurla çıxış edir.  Sonuncu 3 ildə Tunis çempionatında çıxış edib. Cari mövsümdə 11 oyuna 7 qol vurub.  Simonun klubda qalıb-qalmamasına baş məşqçi Rasim Kara qərar verəcək.

Bu gün komandanın səhər məşqi fitness zalında baş tutdu. Qapıçılar və kiçik zədələri olan futbolçular salonda təxminən 1 saat məşq etdilər.

Bu arada sabah komandamız istirahət edəcək. Daha doğrusu, futbolçular sabah Antalyaya tibbi müayinədən keçməyə yollanacaq. Müayinə başa çatdıqdan sonra komandamız Antalyanın səfalı və tarixi yerlərini ziyarət edəcək. Axşam saatlarında isə komanda yenidən şəhər mərkəzindən təxminən 40 km aralıda yerləşən otelə qayıdacaq