DAHA BİR HAZIRLIQ MATÇI...

Hazırlıq oyunu: "QARABAĞ" 0 - 2 "ŞƏKƏRSPOR"

"Qarabağ" (start heyəti) - Fərhad, Hüseyn, Nodar, Timur, Maksim, Tagim, Əfran, Murat, Pupo, Viktor, Vagif.

Heyətdən göründüyü kimi, bu oyunda da Baş Məşqçi Rasim Kara təcrübəli Azər, Aslan, Kənan kimi futbolçulara istirahət verərək, əvəzində gənclərə üstünlük vermişdi. Eyni zamanda, komandada baxışda olan Pupoda bu oyunda start heyətdə yer almışdı. Hazırlıq oyunlarında artıq adət halını almış ilk dəqiqə üstünlüyü bu oyundada komandamızın tərəfində oldu. İki ardıcıl qol vəziyyəti də məhz rəqib qapısı qarşısında yarandı. Hər iki epizodda Viktorun keçidindən sonra asmasına Vaqif dəqiq zərbə endirə bilmədi. Hissənin ortalarında isə Muradın müdhiş zərbəsi qapıçı çatından qayıtdı. Buna cavab isə özünü çox gözlətmədi. Müdafiədə təcrübəsizlik rəqib hücumçunun Fərhadla təkbətək qalmasına səbəb oldu ki, bu epizodda hesab açıldı. İkinci hissədə Mehran, Şəhriyar kimi gənclər də meydana çıxdılar. Bunların hesabı dəyişmək cəhdləri əks nəticə verdi və rəqib daha bir dəfə qapı torumuzu silkələdi - 2:0.