DAHA BİR ÖLÜM HADİSƏSİ...

   Dünən futbol ictimaiyyəti daha bir ağır xəbərlə sarsıldı. Şotlandiya çempionatı çərçivəsində keçirilən “Motervell” – “Dandi Yunayted” (5:3) görüşündə birincilərin kapitanı Fil O’Donnel dünyasını dəyişdi. Mark Fitspatriklə əvəzlənməsinə bir neçə dəqiqə qalmış huşunu itirərək yerə yıxılan 35 yaşlı yarımmüdafiəçi dərhal yaxınlıqdakı xəstəxanaya aparılıb. Bir az sonra “Motervell”in prezidenti Bill Diki bəd xəbəri jurnalistlərə çatdırıb: “O’Donnel ayılmadı. Hadisənin nədən qaynaqlandığını bilmirik. Araşdırmalar aparılır. Indi yalnız bunları deyə bilərəm”.