DAHA BİR RƏQİB - "METALLURQ" (UKRAYNA)

"Qarabağ" Futbol Klubu Ölkə Çempionatının ikinci dövrəsinin hazırlığını Türkiyənin Antalya şəhərində davam etdirməkdədir. Fiziki, taktiki, texniki, eyni zamanda pixoloji hazırlıq dövrü keçən klub üzvləri yoldaşlıq görüşlərində də qüvvələrini sınayırlar. Komandamız artıq iki oyun keçirmiş və hər iki oyun sülhlə başa çatmışdır. Qarşıda isə daha üç görüş keçirmək istəyən "Qarabağ"lıların növbəti rəqibinin Türkiyə Superligasının "Sivasspor" komandası olduğunu xəbər vermişdik. Sayca dördüncü olacaq növbəti oyunda rəqibin kimliyi isə dəqiqləşməmişdi. Artıq rəqib məlumdur. Beləliklə, "Qarabağ" Futbol Klubu 18 yanvar tarixində Ukrayna Yüksək Dəstə təmsilçisi Zaparojyenin "Metallurq" komandası ilə növbəti hazırlıq oyununa çıxacaq.