Daha biri partladı...
18 İyn 2009
Daha biri partladı...
Daha bir gənc istedad, daha bir gələcəyin ulduzu...`Qarabağ` növbəti transfer bombasını partlatdı. Nəinki bu günü, eyni zamanda Azərbaycan futbolunun sabahını fikirləşən `Qarabağ` ölkəmizin ən istadadlı playmeykerlərindən sayılan Elvin Məmmədovla müqavilə bağladı. Vüqar Nadirov, Cəmşid Məhərrəmovun ardınca millinin daha bir gənc üzvüylə komandamız 2 illik saziş bağladı. 21 yaşlı yarımmüdafiəçi saytımıza ilkin təəsüratlarını bölüşdü:` Təbii ki,`Qarabağ`a gəldiyimə görə məmnunam. Məndən öncə edilən transferlərə nəzər saldıqda `Qarabağ`ın hədəfini müyyən etmək çətin deyil. Çalışacam ki, `Qarabağ`a ən yaxşısını verə bilim. Maraqlı və iddialı komandamız var. İnanıram ki, bu komanda nəinki ölkədə, Avropada da öz sözünü deyə biləcək.`