DARMADAĞIN, MƏĞLUBİYYƏTSİZ, LİDER

Artıq normaldır. "Qarabağ"ımızın əvəzedici komandası qarşısıalınmazdır. Yaşar Hüseynovun yetirmələri çempionatın ilk yarısını məğlubiyyətsiz və lider olaraq bitirdilər. Ələ keçirdikləri liderlik kürsüsünü heç kimə vermədilər. Qış çempionu olmaq üçün "Karvan"ı yenməli olan komandamızın bunu bacaracaq olmasına zatən şübhəmiz yox idi.  Amma "2-ci"lər rəqibi topa tutdular. Təsadüfi deyil ki, qarşılaşmanın 15 - ci dəqiqəsində hesab darmadağın həddində idi, 3:0. Lakin, kim onları saxlaya bilər? İlk yarı 4:0 bitdikdən sonra hər şey artıq bəlli idi.

İkinci yarıda prestij xatirinə meydana çıxan komandalardan "Karvan" öncə bir qol vursa da buna peşiman oldu deyə bilərik. Əfran İsmayılov və Röyal Nəcəfov hesabı faciəvi həddə çatdırdı.6:1.

Qış çempionu meydana bu heyətlə çıxmışdı: Osman Umarov, Muhammed Soumah,  Hüseyn İsgəndərov (Orxan Xanlarov), Qara Qarayev, Fərrux Rəhimov, Mehran Əliyev (Aqşin Mehdiyev), Natiq Kərimi (İsabala İsrafilov), Elçin Xəlilov (Yasin Yaqubzadə), Əfran İsmayılov, Emin Mustafayev, Viktor (Röyal Nəcəfov)

Komandamızdan qolları Viktor, Əfran İsmayılov(2), Emin Mustafayev (2), Röyal Nəcəfovun vurduğunu diqqətinizə çatdıraq.