DEBÜTANTLA DEBÜTƏ

"Qarabağ" sabah "Standart"la qarşılaşacaq. Gündə bir dəfə məşqlə hazırlıqlarını davam etdirən komandamız artıq məşqləri yekunlaşdıraraq, matçı saatını gözləməyə başlayıb. "Ruslan-93"-dəki bazaya yığışan komandamızda zədəlilərlə bağlı bir problem var. Son "İntrer"lə matçda zədələnərək meydanı tərk edən Kənan Kərimovun müalicəsi davam edir. U-19-la avropa çempionatından qayıdan Maksim Medvedev, Rauf Əliyev, İsabala İsrafilov, Şəhriyar Xəlilov artıq komandaya qoşulub.

Bu ümumiyyətlə, elitaya bu il yüksələn "Standart"la ikinci qarşılaşmamız olacaq. Mövsümöncəsi, İsmət Qayıbov adına stadionda baş tutmuş görüşdə tərəflər qolsuz bərabərliyə qalmışdı. Stadiondan söz düşmüşkən, cari birincilikdə Suraxanıdakı stadionun təmir olunmasıyla əlaqədar olaraq, 2 ev oyunumuzu artıq adı çəkilən stadionda keçirmişik. Və hər 2 matç 3:1 hesabıyla üstünlüyümüzlə tamamlanıb.

Oyunun saat 14:30-da keçiriləcəyini də qeyd edək.