Derbi `Cim-Bom`un...

Türkiyə çempionatının ilk dövrəsinə derbiylə yekun vurulub. Daha doğrusu qış fasiləsiylə əlaqədar olaraq 16-cu turdan sonra fasilə yaranıb. Fasiləyə isə azarkeşlər derbiylə yollanıb. `Qalatasaray` - `Beşiktaş` derbisi azarkeşlərə əsl futbol zövqü yaşadıb. İstanbul derbisində qapılara düz 6 qol vurulub.

Derbidə ilk qolu `QS` vurub. Servet Çetin hesabı açsa da, Delqado hesabı bərabərləşdirib. Lakin həmin gün `cim-bom`u saxlamaq mümkün deyildi. Milan Baroş het-trik etməklə superliqada qollarının sayını 14-ə çatdırdı. Holoşkonun qolu isə sadəcə təsəlli idi. Beləliklə, `Qalatasaray` 4:2 hesabıyla qalib gələrək liderə daha da yaxınlaşdı.