DİQQƏT! YAZI MÜSABİQƏSİ

 "KomandA" qəzeti, "Fanat.az" portalı və "Qarabağ" Futbol Klubu yazı müsabiqəsi keçirir.
“Qarabağ” klubu haqda ən dolğun, ən yaxşı və ən əsası, ən obyektiv yazıya görə (haqlı tənqiddən çəkinməyin) 1-ci yer üçün 300, 2-ci yer üçün 200, 3-cü yer üçün 100 manat mükafat nəzərdə tutulub. Müsabiqədə idman mətbuatında fəaliyyət göstərən istənilən jurnalist iştirak edə bilər. Əsas tələb “Qarabağ”la bağlı istənilən mövzuda müəllif yazısı qələmə almaqdır.
Yazıları 5 nəfərlik peşəkar münsif heyəti 10 ballıq qiymətləndirmə sistemi ilə dəyərləndirəcək. Ən çox bal toplayan 3 müəllif qalib elan olunacaq.
Münsiflərin tərkibi gizli saxlanılır və adları yalnız qaliblərlə birlikdə elan olunacaq.
Müsabiqəyə göndərilən ən yaxşı yazılar “KomandA” qəzeti və "Fanat.az" portalında dərc olunacaq.
Müsabiqəyə son qatılma tarixi 2009-cu il, yanvarın 15-idir. Yazılar elektron versiyada (minimum 5 min, maksimum 10 min işarə həcmində) komandaqezeti@yahoo.com ünvanına göndərilməlidir.
Qaliblərin elan olunma tarixi haqqında əlavə məlumat veriləcək.
Əlaqə telefonları: (012) 596-47-18, (012) 441-01-47.
(055) 866-01-35