Əfran da İstanbula yollandı
27 Yan 2012
Əfran da İstanbula yollandı
`Qarabağ`ımızda dizindən zədələnən Qara Qarayevin müalicə olunması üçün İstanbula yola salındığını xəbər vermişdik. Artıq daha bir futbolçumuz Türkiyənin ən böyük şəhərinə yollanıb. Komandamızın yarımmüdafiəçisi Əfran İsmayılov da İstanbulda bərpa və gücləndirici çalışmalar yerinə yetirəcək. Amma Qaradan fərqli olaraq Əfranın səfəri daha qısa olacaq. 3 gün həkim nəzarəti altında xüsusi çalışma yerinə yetirəcək 23 yaşlı futbolçu yenidən komandamızın düşərgəsinə dönəcək. Əfranın Yanvarın 31-də `Petrolul Ploiesti`lə keçiriləcək yoxlama oyununa yetişəcəyi gözlənilir.