Əfran İsmayılov Avropanın ən sərrast 8 futbolçusu arasında! (apasport.az)

Avropa Liqasının ən məhsuldar futbolçularının siyahısı müəyyənləşib. Apasport.az saytının məlumatına görə, turnirin ilk iki təsnifat mərhələsindən sonra cəmi 8 futbolçu 4 və daha çox qol vurmağı bacarıb.

Onlardan biri Makedoniyanın “Rabotniçki” klubunda çıxış edən Fabio Silva hamıdan çox 5 qol vurub. Onun ən yaxın izləyici olan 7 futbolçu isə hərəyə 4 dəfə fərqləniblər. Elə “Qarabağ”ın bombardiri Əfran İsmayılov da liderdən 1 qol geri qalanların siyahısındadır.

Digər futbolçularla müqayisədə daha çox oynadığı üçün 22 yaşlı yarımmüdafiəçi 8-ci pillədə qərarlaşıb.

yer	futbolçu	klubu	qol	Oynadığı dəqiqələr
1	Fabio Silva	“Rabotniçki” (Makedoniya)	5	195
2	İlari Äiyyala	“MüPA-47” (Finlandiya)	4	270
3	Vladimir Yurçenko	“Dnepr” (Belarus)	4	270
4	Jaba Dvali	“Zestafoni” (Gürcüstan)	4	286
5	İqor Krivobok	“Torpedo” (Belarus)	4	297
6	Vandeir	“Rabotniçki” (Makedoniya)	4	326
7	Kyartan Henri Finnboqason	“Reykyavik” (İslandiya)	4	337
8	Əfran İsmayılov	“Qarabağ” (Azərbaycan)	4	342