ELİTANIN DEBÜTANTIYLA

"Qarabağ" Futbol Klubu yeni mövsümün hazırlıqlarını davam etdirir. Xəbər verdiyimiz kimi, komandamız elitaya yenicə vəsiqə qazanmış "Bakılı"yla qarşılaşıb. Daha doğrusu baş məşqçimiz Rasim Kara komandaya baxışa gəlmiş fubolçuları sınayıb. Komandamızdan sadəcə Maksim Medvedev, Nodar Məmmədov, Timur İsrafilov və Osman Umarov bir hissə meydanda olublar. İkinci hissədə isə Bayram Kərimov və Rauf Əliyev meydanda olublar. Komandamızda əsasən gürcü legionerlər, Levan Melkadze, Tengiz Cukaxidze, eyni zamanda Ceto, Omeqa, bolqar Yançev yoxlanılıb. Gözlənildiyi kimi, təmamilə bir-birini tanımayan futbolçulardan qurulan kollektiv meydanda heç bir varlıq göstərə bilməyib. Elitanın debütantı vurduğu iki qolla qalib gəlib. Komandamıza gələn futbolçuların taleyinə yaxın günlərdə aydınlıq gələcək.