ELLERDEYS “BOLTON”U TƏRK EDİR

İngiltərənin başarılı çalışdırcılarından olan Sem Ellerdays 8 il çalışdırdığı “Bolton”u tərk etmək qərarına gəlib. 1999-da qəbul etdiyi klubu aşağı dəstədən UEFA-da mübarizə aparacaq səviyyəyə gətirən “Böyük Sem” ləqəbli çalışdırıcı aldığı qərarı yorulmasıyla əalqələndirib. Bu xəbəri “Sun” və “Daily Mail” qəzetləri yayıb. Maraqlıdı ki, Ellerdeys açıqlamasını “Çelsi”ylə 2:2-lik hesabın qeydə alındığı matçdan əvvəl açıqlayıb. Hətta, 52 yaşlı mütəxəssisin oyun sonrası mətbuat konfransına gəlməməsi də vəziyyətin ciddiliyini xəbər verir.

Futbolun vətənində yazılan xəbərlərə görə, Ellerdeysin getməsinə səbəb rəhbərliklə transfer məsələlərində ortaq məxrəcə gələ bilməməsi ilə yanaşı ölkə millisinin baş məşqçi postuna yiyələnmək istəməsi durur. Xatırladaq ki, ötən il Sven Qoran Erikssonun gedəcəyi məlum olduqdan sonra “Bolton”lu posta əsas namizədlərdən sayılsa da sonda Stiv Maklaren posta sahib çıxmışdı. Sonuncunun uğursuz çıxışı isə ağıla yenə Ellerdeysin  gətirib. Yayılan məlumatlara görə, Maklarenin istefa verəcəyi təqdirdə Ellerdeys millidə boşalmış vəzifəyə gətiriləcək.