ELşən Məmmədov, Coşqun Eldaroğlu, Saleh Arslan

`Qarabağ` Futbol klubunun `KomandA` qəzeti və `fanat.az` saytının birgə keçirdiyi `Qarabağ` haqqında yazı müsabiqəsinin qalibləri bəlli oldu. Möhtəşəm tədbir sonunda klubumuzun bazasında baş tutdu. Müsabiqəyə ölkənin sayılıb seçilən yazarları qatılmışdı. Münsiflər heyəti isə Azərbaycanın idman mətbuatı dedikdə ağıla gələn ilk isimlərdən Rövşən Binnətli, Mahir Rüstəmli eyni zamanda jurnalistikanın seçilən isimlərindən Elnur Astanbəyli və `Qarabağ` Futbol Klubunun mətbuat xidmətinin rəhbəri Nurlan Əziz tərəfindən təşkil olunmuşdu. Tədbirdə iştirak edən koamndamızın baş məşqçisi qurban Qurbanov belə müsabiqənin əhəmiyyətindən, klublarla medianın daha sıx əməkdaşlığının mühimliyindən danışdı. `KomandA` qəzetinin baş redaktoru Rəşad Ergün, www.fanat.az  portalının baş redaktoru Əli Sahib tədbirdə iştirak edən hər bir yazara təşəkkür edərək hər birinin qalib olduğunu bildirdi. Nurlan Əziz də bu yarışmada iştirak edən yazarların ölkə idman jurnalistikasının aparıcı qolu olduğunu və yazı yazmaqla bir daha nəyə layiq olduğunu göstərdiyini bildirdi.

Ardınca mükafatlandırma prosesi baş tutdu. 3-cü pilləyə `Futbol dünyası` qəzetinin şöbə müdiri Saleh Arslan tutdu. 2-ci yerə isə Azərbaycan idmanında özünəməxsus üslubu olan Coşqun Eldaroğlu layiq görüldü.

Və qalib... lent.az saytının əməkdaşı Elşən Məmmədov  `Böyük Qayıdış` yazısıyla müsabiqənin qalibi seçildi.

Tədbirdə iştirak edən bütün yazarlar iştirakın önəmli olduğunu vurğuladı. Saleh Arslan isə qazandığı mükafatı kimsəsizlər fonduna köçürəcəyini bildirdi.