Elvin ən yaxşı seçildi

Premyerliqanın son turunda `Qarabağ`ımız son ölkə çempionu `Bakı`nı məğlub edərək zirvəyə şərik oldu. Komandamız görüş ərzində baxımlı futbol sərgiləyərək hər kəsin təqdirini qazandı. Komandamızın belə futbol oynamasında heç şübhəsiz gənc oyunqurucu Elvin Məmmədovun böyük rolu vardı. `9` nömrəli futbolçu oyunboyu komanda yoldaşlarını `ağıllı` ötürmələri ilə təmin edirdi. Elvinin bu uğurlu oyunu layiqli qiymətini də alıb. Ölkənin populyar nəşrlərindən biri `Futbol+` qəzeti  Məmmədovu turun ən yaxşı oyunçusu seçib. Məmmədov eyni zamanda mövsümün ən yaxşı oyunçusu sıralamasında da 2-ci sırada qərarlaşıb.

Xatırladaq ki, yayda komandamızın sıralarına qoşulan Elvin başarılı qrafiki ilə diqqəti cəlb edir. Avrokuboklarda 2 qol vuran gənc istedad premyerliqada da qol hesabını açıb.