Elvinin qolu qələbəyə yetmədi

Azərbaycan millisi Avstriyada keçirdiyi təlim-məşq toplanışında Moldova millisi ilə üz-üzə gəlib. Tarixində 8-ci dəfə üz-üzə gələn tərəflərin mübarizəsində millimiz cəmi 1 dəfə 1998-ci ildə qələbə qazanmışdı. Belə də millimizin müəyyən qədər arzuolunmaz rəqibi üzərində qələbə qazanmaq istəyi vardı.

Moldovanlarla oyunda yığmanın çalışdırıcısı 5 `Qarabağ`lıya start heyətində yer vermişdi. Rəşad Sadıqov, Elnur Allahverdiyev, Maksim Medvedev arxa xətdə, Rauf Əliyevlə Elvin Məmmədovsa ön xətdə yer almışdılar.

Son oyunlarda qazanılan nəticələrdə `Qarabağ`lıların əməyi olduğu kimi bu oyunda da klubumuzun üzvləri fəal idi. Və millinin görüş ərzində vurduğu yeganə qola məhz Elvin oldu. 22 yaşlı yarımmüdafiəçinin 21-ci dəqiqə asmayabənzər zərbəsi müdafiəçinin də ayağına dəyərək tora daxil oldu.

Amma bu qol qələbə üçün kifayət etmədi. 81-ci dəqiqədə Kojokarın mükəmməl zərbəsi qarşısında qolkiperimiz Kamran Ağayev aciz qaldı. Belə də  oyun 1:1 hesabı ilə başa çatdı.