ELXAN ABDULLAYEV: "MƏQSƏDİMİZ TUR KEÇMƏK İDİ, ONUN DA ÖHDƏSİNDƏN GƏLDİK!"

Matç sonrası hər iki Baş Məşqçi oyun haqqında öz fikirlərini bildirdilər: Elxan Abdullayev: "Biz bu oyuna da digər görüşlərimiz kimi ciddi hazırlaşmışdıq. Oyun da gördüyünüz, kimi tam bizim üstünlüyümüz ilə keçdi. Hesab daha da böyük ola bilərdi.Hər şeyi ilk hissədəcə həll edə bilərdik.Lakin ikinci hissədə ikinci qolu vurduq. Bundan sonra isə sərbəst futbol oynayaraq nəticəni rəsmiləşdirdik.Bizə tur keçmək lazım idi, onu da etdik.Rəqibimiz yaxşı komandadır, onlara uğurlar arzulayıram." Qəhrəman Əliyev: ""Qarabağ"ı qələbə münasibətilə təbrik edirəm. Onlar bizdən səviyyəcə üstün futbol oynadılar və nəticədə də qalib gəldilər. Lakin mən futbolçularımdan da razıyam. Layiqli futbol göstərdilər.Hesab oyuna görə oldu."