Emrah Çelikel:`klubdaxili iclasda müzakirə olunacaq`

Emrah Çəlikəl: «Bu futbolçuların heç biri ilə danışığımız olmayıb»

«Qarabağ» futbol klubunun rəhbərliyi Rəşad Sadıqovla Elnur Allahverdiyevin transfer məsələsini yaxın günlərdə keçiriləcək iclasda müzakirə edəcək. «Sadıqovla Allahverdiyevi «Qarabağ»da görmək istəyirik. Amma bu futbolçuların heç biri ilə danışığımız olmayıb. Baş məşqçimizin istəyindən çox şey asılıdır. Hər iki futbolçunun transfer məsələsi yaxın günlərdə keçiriləcək klubdaxili iclasda müzakirə olunacaq»,- «Qarabağ» klubunun baş direktoru Əmrah Çəlikəl "trend"ə verdiyi açıqlamada deyib.
Sadıqovla Allahverdiyev «Neftçi» klubunun oyunçularıdır. Hər iki futbolçunun «Neftçi»nin almaniyalı baş məşqçisi Hans Yurgen Gede ilə problemi yarandığından, transferə çıxarlıblar.
Çəlikəl bildirib ki, «Qarabağ» klubuna xaricdən tanınmış futbolçuların dəvət edilib-edilməyəcəyi ilə bağlı məsələ də klubdaxili iclasda müzakirə olunacaq. //Trend