Emrah Çelikel:`Mehmet Aka əməyindən dolayı təşəkkür edirik`

`Qarabağ`ımız mövsümü bitirdikdən sonra hələ də istirahət haqqında düşünmür. Yeni mövsüm üçün indidən hazırlıqlara start verən komandamızda müəyyən dəyişikliklərin olması zəruri idi. Komandamızın direktoru Emrah Çelikeli dinləyək:` Avroliqaya vəsiqə qazandığımız üçün təbii ki, komandamızda lazımi dəyişikliklərə ehtiyac vardı. Komandamızda kimlərin gəlib, kimlərin getməsi yaxın zamanlarda bilinəcək. Baş məşqçimiz Qurban Qurbanovun verdiyi raport əsasında hərəkət edəcəyik. Amma bu məlumdur ki, komandamızda fiziki hazırlıq üzrə məşqçi Mehmet Ak qarşıdan gələn mövsümdə bizimlə işləməyəcək. Türkiyəli ilə ortaq məxrəcə gələ bilmədik. Təbii ki, Akın klubda gördüyü işlər danılmazdır. Komandamızın kuboku almasına qədər uzanan yolda fiziki hazırlığın əhəmiyyəti bəllidir. Qurban Qurbanovun başçılığı altında kubokun alınmasındakı əməyini qiymətləndiririk. Biz, Mehmet Akın fikirinə hörmətlə yanaşırıq. Ona `Qarabağ`da gördüyü işlərə görə təşəkkür edirik. Mehmet bəyə gələcək karyerasında uğurlar qazanmasını istəyirik. Onun qazanacağı hər bir nailiyyətə `Qarabağ` camiəsinin sevinəcəyinə əminəm`