Əvəzedicilər öz işlərini gördülər. FOTOQALEREYA

Pərdəni əvəzedicilər açdı. Şəfa stadionunda əvəzedicilərin 10-cu turunda `İnter` - `Qarabağ` mücadiləsi  baş tutdu. Gərgin keçən oyunda sadəcə 1 qol vuruldu. Təbii ki, `Qarabağ`ımız 3 xalı hesabına yazdırdı.

`Qarabağ`ımız oyuna bu heyətlə çıxmışdı: Anar Səlimov, Fərrux Rəhimov, Ramil Ağayev, Orxan Xanlarov, Timur İsafilov, Natiq Kərimi, Emin Mustafayev, İsabala İsrafilov, Sabir Lotov, Şəhriyar Xəlilov, Aqşin Mehdiyev.

(İkinci hissədə meydana çıxanlar: Elgiz Kərəmli, Röyal Nəcəfov, Mətləb Ələsov, Fərid Haqverdiyev)

Görüşə komandamız hücumlarla başladı. Lakin ilk yarıda tərəflərin cəhdlərinə baxmayaraq hesab açılmadı. İkinci yarıda daha maraqlı oyun alındı. Özəlliklə, Şəhriyar Xəlilovun əla oyunu komandamızın xeyrinə çevirdi. 87-ci dəqiqə Xəlilovun keçidi sonrası Mətləb Ələsov qələbə  gətirən qolu vura bildi.

Oyundan maraqlı anlar FOTOQALEREYA bölümündə...