ƏVƏZEDİCİLƏR QARŞISIALINMAZDIR

“Qarabağ”ın əvəzedici komandası qələbə seriyasını davam etdirir. Çempionluğa iddialı olan Yaşar Hüseynovun tələbələri ikinci turda da qələbə qazanmağa nail oldu. İlk oyunda səfərdə “Bakılı”nı darmadağın edən (1:4) əvəzedicilərimiz bu dəfə daha iddialı “Olimpik”i qəbul etdi. Buzovna qəsəbə stadionunda baş tutan görüş komandamız üçün yaxşı başlayıb.

Komandamız görüşə bu heyətlə çıxmışdı. Osman Umarov, Maksim Medvedev, Timur İsrafilov, Bayram Kərimov, Hüseyn İsgəndərov, Elhad Əhmədov, Natiq Kərimi, Sabir Lotov, Elçin Xəlilov, Telman Bayramlı, Rauf Əliyev

 Ardıcıl hücumlardan sonra komandamız 3 -cu dəqiqədə hesabı açmağa nail olub.  Daha doğrusu Rauf Əliyevin sağ cinahdan yerlə sərt ötürməsini rəqib oyunçu öz qapısına göndərib.  Sürət küəsməyən komandamız 8 dəqiqə sonra yenə fərqlənib. Telman Bayramlı ötən oyunda olduğu kimi bu dəfə adını qol tablosuna yazdırıb.

İkinci yarıya rahat başlayan komandamız oyun tempinə nəzarəti əlində saxlayıb. Meydanın mərkəzini rəqibə verən komandamız qurduğu əks-hücumlarla rəqibi cəzalandırmağa çalışıb. Və bir dəfə də buna nail olub. Sabir Lotov cari birincilikdə qol hesabını açmaqla hesab arasındakı fərqi 3-ə çatdıranda dəqiqələr 65-i göstərirdi.. Bundan sonra arxayınlaşan komandamız rəqibə oynamağa ikman yaradıb. Nəticədə “Olimpik”in əvəzediciləri 2 dəfə maçın son dəqiqələrində qol vurmaq imkanı əldə edib. Lakin komandamız qələbə hesabı qoruya bilib. Beləliklə, “Qarabağ” əvəzediciləri ikinci matçdan da qalib ayrılaraq liderliyini davam etdirib.