Əvəzedicilərin `Standard` qələbəsi...

`Qarabağ`ımızın əvəzedici komandası başarı seriyasını davam etdirir. Gənclərimiz bu dəfə `Standard`a imkan vermədi. Məğlubiyyətin nə olduğunu bilməyən əvəzedici komandamız çempionatının ikinci yarısında qol buraxmamaqla yanaşı məhsuldarlığını da artırıb.

Komandamız meydana bu heyətlə çıxmışdı. Osman Umarov, Fərrux Rəhimov, Məhəmməd, Fərid Əliyev, Mehran Əliyev, Tagim Novruzov, İsabala İsrafilov, Elhad Əhmədov, Elçin Xəlilov, Şəhriyar Xəlilov, Aqşin Mehdiyev.

Oyun sözsüz ki, komandamızın üstünlüyü ilə başladı. Lakin ilk yarıda cəmi bir dəfə fərqlənə bildik. Komandamızın yeganə qoluna Aqşin Mehdiyev imza atdı. Komandamızın ən sərrast futbolçusu ikinci yarıda yerini Röyal Nəcəfova verdi. Və 18 yaşlı forvard da işini məharətlə gördü. Onun vurduğu qol görüşdə həlledici oldu və komandamız meydandan 2:0 hesabıyla qalib ayrıldı.