ƏZƏLİ RƏQABƏT, ƏBƏDİ DOSTLUQ

14 final mərhələsinə vəsiqə qazanan “Qarabağ” Futbol Klubu artıq diqqətini premyerliqaya yönəldib. Qarşıdan gələn 4 turda komandamız qənaətbəxş nəticə əldə edərək fasiləyə optimal vəziyyətdə yollanmağı planlaşdırır. Sabah qarşılaşacağımız rəqib isə Azərbaycanın ən köklü klublarından olan “Neftçi”dir.

Müstəqil Azərbaycanın elita çempionatlarının daimi olan 3 iştirakçısından “Qarabağ” və “Neftçi” dueli hər zaman maraqla qarşılanıb. Durumundan, mövqeyindən asılı olmayaraq bu derbiyə həmişə maraq yetərincə olub.

Gərgin matçlar lakin heç vaxt əbədi dostluğa xələl gətirməyən münasibətlər meydanda əsl mübarizəylə kəsişib. Sabah baş tutacaq oyun 17 çempionatın 16-cı derbini reallaşdıracaq.

Artıq bütün hazırlıqlarını tamamlayan komandamız sabah baş tutacaq derbini gözləyir.