FAİQ CABBAROV: "TƏCRÜBƏ ÖZ SÖZÜNÜ DEDİ..."

"Gilan" - "Qarabağ" oyununa həsr olunmuş mətbuat konfransı keçirildi. İlk söz Baş Məşqçimiz Böyükağa Ağayevə verildi: "Gilan" komandasını gözəl futbol sərgilədi. Mən bu komanda haqqında bilgilərim az olsa da, onlardan belə oyun gözləmirdim. Faiq müəllimi belə komanda yaratdığına görə təbrik edirəm. Oyuna gəlincə, komandam oyunda üstün oyun göstərən tərəf idi. Dəfələrlə real qol imkanlarında yararlana bilmədik. Meydanın standartlara cavab verməməsi də öz sözünü dedi. Böyük meydana uyğunlaşıb, balaca meydançada futbol oynamaq düzgün deyil. Komandamdan ümumilikdə razıyam. İndi bizim əsas məqsədimiz komandam üçün yaranmış uzun fasilədən maksimum yararlanaraq, futbolçularımın zədələrinin sağaltmaq və "Neftçi" ilə oyuna optimal heyət çıxarmaqdır..." Sonra "Gilan" komandasının baş məşqçisi Faiq Cabbarov öz fikirlərini bölüşdü: "komandam gəncdir. Bu oyunda isə təcrübə öz sözünü deməliydi ki, belə də oldu. Futbolçularımda əzmkarlıqdan razıyam. Hesab oyuna görə oldu."