"FƏNƏRBAĞÇA" TARİX YAZDI-VİDEO

 “Fənərbağça” Çempionlar Liqası G qrupunun son matçında ÇSKA ilə matçöncəsi tarixinin ən böyük uğuru ilə qarşı-qarşıya idi.Türk klubu rusları məğlub edəcəyi surətdə digər matçın nəticəsini gözləmədən növbəti mərhələyə vəsiqə qazanacaqdı.  “Fənərbağça” Şükrü Saracoğlu stadionunda baş tutan qarşılaşma 3:1 hesabıyla qalib gələrək tarixində ilk dəfə Çempionlar Liqasında növbəti mərhələyə yüksəldi. Ona görə də “İnter”in səfərdə “PSV”nı minimal hesabla məğlub etməsi də heç nəyi dəyişmədi. “Barselona” “Ştutqart”ı yenməkdə çətinlik çəkmədisə, “Lion”un səfərdə “Reyncers”i üç topla darmadığın etməsi bir qədər gözlənilməz oldu. “Mançester” - “Roma” duelində  qələbəyə sevinən olmadı- 1:1.  “Sevilya” və “Arsenal” isə həlledici mərhələyə vəsiqəni öncədən əldə etmişdi.