“FƏNƏRBAXÇA” VƏ “BEŞİKTAŞ”A 1 XAL

Türkiyə çempionatında son yaxınlaşdıqca həyəcan get-gedə artmaqdadır. Çempionluq uğrunda mübarizə aparan “Fənərbaxça” və “Beşiktaş” klubları con turda bir xal qazana biliblər. Son 5 turda qalib gələn sadəcə, 1 top buraxan “Beşiktaş”ın autsayder “Sakaryaspor”qarşısında büdrəcəyi inandırıcı deyildi. Görüşə hücumlarla “Qara qartal”ların ilk yarının sonuna yaxın istəyinə çatdı. “ağ-qara”ların kapitanı İbrahim Toraman künc zərbəsindən sonra hesabı açdı. Buna qədər isə ev ahiblərinin azlıqda qalması “Beşiktaş”ın işinin heç də çətin olmayacağını göstərirdi. Lakin ikinci yarıda ağıllı müdafiə olunan autsayder sona 5 dəqiqə qalmış argentinalı forvard Kangelenin qoluyla tarazlığı bərpa etdi. Son dəqiqələrdə qonaqlar bütünlüklə irıli atılsalarda, “Sakaryaspor”un kolumbiyalı qolkiperi Martinez rəqibə keçid vermədi. Əsas rəqibinin xal itirməsindən yararlanmaq istəyən “Fənərbaxça” “Vestel Manisaspor” matçına böyük istəklə çıxdı. Lakin bir neçə tur öncə Ersun Yanalın yerinə gətirilmiş Giray Bulakın komandası oyunboyu səhvsiz mübarizə apararaq bir xalı götürə bildi. Bununla da “Fənərbaxça” və “Beşiktaş” arasındakı xal fərqi dəyişməz qaldı. Çempioluq şansı çətinə düşmüş “Qalatasaray” isə səfərdə “Gənclərbirliyi”ni 3:1 hesabıyla məğlub edərək əsas rəqiblərini xal itirməsindən yaralanıb bir qədər ümidləndi. Cim-bomun qollarına Ümit Karan (2) və Necati imza atdı.

TURNİR CƏDVƏLİ