`Fənər`in həsrəti 27 ilə sığmadı. VİDEO

Türkiyə kubokunun sahibi məlum olub. Finalda qarşılaşan qardaş ölkənin 2 böyük komandası `Fənərbaxça` - `Trabzonspor` qarşılaşmasını Qara dəniz klubu qazanıb. Oyunu maraqlı edən ən önəmli məqam isə heç şübhəsiz, `Fənər`in 27 ildir ölkə kubokunu qazana bilməməsi idi. 1983-cü ildə `Mersin İdman Yurdu`nu məğlub etdikdən sonra 6 dəfə finala çıxmasına rəğmən kuboku başı üzərinə qaldıra bilməyən istanbulluların bu həsrəti daha bir il uzandı.

Halbuki, görüşdə ilk olaraq hesabı Kristof Daumun yetirmələri açmışdı. Aleksin qolundan sonra `sınmayan` Şenol Günəşin komandası `Fənər`in qapısından 3 qol keçirərək tarixində 8-ci dəfə kuboka sahib çıxdı.

`Trabzonspor` - `Fənərbaça` 3:1