Fərhad və Vaqif inanırlar...

Bu gün millimiz çox prinsipial oyuna çıxacaq. Azərbaycan yığması Dünya çempionatının seçmə mərhələsində Rusiyanın qonağı olacaq. Bu oyunda millidə `Qarabağ`ımızın 2 futbolçusu – Fərhad Vəliyev və Vaqif Cavadovun forma geyinməsi gözlənilir. Görəsən, futbolçularımız bu barədə nə düşünür. Hər 2 futbolçumuz saytımıza eksklusiv açıqlama verib.  Qolkiperimiz Fərhadı dinləyək:` Rusiya yetərincə güclü komandadır. Etiraf etmək lazımdır ki, Rusiya daha çox hücumda oynayacaq və qapıçıya böyük iş düşəcək. Çalışacam ki, qapını toxunulmaz saxlayım. İnşallah, vətənə üzüağ dönərik. Rusiya nə qədər çətin rəqib olsa da, mümkün olmayan yoxdur. İnanıram ki, azarkeşlərimizi sevindirə biləcəyik.
Cavadov isə daha nikbindir:` Bilirəm ki, Rusiyada çıxış etdiyimdən bu oyunda xüsusi rolum var. Futbolu Rusiyada öyrənmişəm. Dolu tribuna önündə oynamaq meydanda böyük-kiçik fərqini aradan qaldırır. Üstəlik, əlavə motivasiya verir. Başa düşürəm ki, burdan xal götürsək qəhrəmanlıq olacaq. Amma niyə də olmayaq. İnşallah, xalqımızı sevindirəcəyik. Buna inanıram.