FƏRHAD VƏLİYEV VƏ VAQİF CAVADOV MİLLİYƏ ÇAĞRILDI

Məlum olduğu kimi,  Azərbaycan milli komandası  01.06.2008  tarixində Bosniya və Hersoqavina, 04.06.2008-ci il tarixində isə Andorra yığması ilə  beynəlxalq yoldaşlıq oyunları keçirəcəkdir. Bu gün AFFA-dan adı çəkilənlər oyunlarla əlaqədar olaraq “Qarabağ” Futbol Klubuna faks daxil olub. Azərbaycan millisinə yenicə baş məşqçi təyin olunmuş Almaniyalı mütəxəssis Berti Foqts ilk dəfə olaraq yetirmələrini iş başında görmək imkanı əldə edəcəkdir. Adı çəkilən qarşılaşmalarda millinin şərəfini qorumaq üçün “Qarabağ”dan 2 futbolçu dəvət olunub.  Fərhad Vəliyev onsuzda yığmamızın əsas qapıçı sayılırdısa, gənc və prespektivli Vaqif Cavadov müəyyən aradan sonra yenidən əsas komandanın şərəfini qoruyacaq. Komandamızın müdafiəçisi Nodar Məmmədovun da millinin heyətinə dəvət olunacağı gözlənilir.

Xatırladaq ki, millimiz yoxlama oyunları keçirməklə yanaşı 05-06.06.2008-ci il tarixlərində Almaniyanın Frankfurt şəhərində tibbi müayinədən keçiriləcəkdir.