FUTBOL AKADEMİYASI TİKİLƏCƏK

 Ölkəmizdə uşaq futbolunun inkişaf etdirilməsi məqsədilə AFFA daha  bir layihəsini gerçəkləşdirmək üzrədir. Yaxın zamanlarda ölkənin ali futbol qurumu tərəfindən futbol akademiyasının inşasına başlanılacaq. Akademiya assosiasiyanın inzibati binasının ərazisində tikiləcək. Bu məsələ AFFA prezidentinin səlahiyyətlərinin icraçısı Elşad Nəsirovla baş katib Elxan Məmmədovun FİFA və UEFA prezidentləri ilə görüşündə də müzakirə olunub. Beynəlxalq futbol qurumlarının rəhbərləri akademiyanın inşası üçün lazım olan maliyyə vəsaitinin müəyyən hissəsinin ödənilməsini öz üzərilərinə götürüblər. Futbol akademiyasının tikintisi üçün sərf olunacaq maliyyə vəsaitinin digər hissəsini isə AFFA işə sponsorlar cəlb etməklə ödəyəcək.