FUTBOLÇULARLA MÜQAVİLƏLƏR İMZALANDI

"Qarabağ" Futbol Klubu hazırlığını ilk mərhələsini başa vuraraq Bakıya döndü. Qax rayonunda təlim məşq prosesi keçən klub dörd gün sonra hazırlığının ikinci mərhələsinə start verəcək. Bu mərhələnin Türkiyədə keçirilməsi planlaşdırlımışdır. "Qarabağ" FK 27.06.2006-cı il tarixində Türkiyəyə yola düşəcək. Bu gün isə "Qarabağ" Futbol Klubu 2006-07-ci il mövsümündə klubun şərəfini qoruyacaq əksər futbolçularla müqavilələr imzalamışdır. Klubda ötən mövsüm top qovan futbolçuların demək olar ki hamısı ilə müqavilələr yenilənərək, üç futbolçu ilə heyət gücləndirilmişdir. Ötən mövsüm "Karvan"ın şərəfini qorumuş hücumçu Kənan Kərimov, Samir Abbasov, "Gəncə" klubundan isə Xaliq Mərdanov bu gün rəsmi müqaviləyə imza atmışlar.Bu futbolçular artıq rəsmi "Qarabağ"lıdırlar. Azər Məmmədov və Xaliq Mərdanov Qax toplantısından sonra Gəncəyə getdiklərindən onlarla sabah müqavilə imzalanacaq. Xatırladaq ki, Romal Hüseynovla bir müddət öncə iki illik müqavilə imzalanmışdır. Namiq Yusifov və Hüseyn İsgəndərovla isə ötən il iki illik müqavilələr imzalanmışdır. Futbolçuların imzalama prosesindən şəkillərə aşağıdakı bölümə daxil olub baxa bilərsiniz: "QARABAĞ" - TRANSFERLƏR