Gənclər və İdman Naziri Respublika stadionunu ziyarət edib
30 İyn 2022
Gənclər və İdman Naziri Respublika stadionunu ziyarət edib
Azərbaycan Respublikasının Gənclər və İdman Naziri Fərid Qayıbov bu gün Tofiq Bəhramov adına Respublika stadionunu ziyarət edib.
Nazir klubumuzun UEFA Çempionlar Liqasının I təsnifat mərhələsində “Lex” (Polşa) ilə keçirəcəyi oyunun hazırlıq işləri ilə tanış olub və öz tövsiyələrini verib.
Klubumuzun vitse-prezidenti Fevzihan Aras cənab Nazirə zaman ayırdığı və işlərimizlə tanış olduğu üçün təşəkkür edib.
Görüşdə həmçinin AFFA-nın baş katibi Sərxan Hacıyev, GİN və hüquq-mühafizə orqanlarının nümayəndələri də iştirak etmişdir.