GÖKHAN ZAN AZƏRBAYCANDA???

Türkiyə milli komandasının müdafiəçisi, hazırda “Beşiktaş”ın şərəfini qoruyan Gökhan Zan Azərbaycan klublarının birindən təklif alıb. Bu haqda Türkiyə mətbuatına futbolçunun meneceri Ceylan Çalışkan məlumat verib. O deyib:”Gökhanın karyerasını harada davam etdirəcəyi hələ məlum deyil. Ancaq onu deyə bilərəm ki, müştərimə bir çox ölkədən təklif var. Fransa, Rusiya, Azərbaycan və Ukrayna təmsilçiləri Gökhanı heyətində görmək istəyir. Ancaq hələ fikirləşirik. Yaxşı düşündükdən sonra, qərarımızı verəcəyik”.

Göründüyü kimi, futbolçunun menecerinin sözlərinə görə, Gökhanla Azərbaycan klubu da maraqlanır. Amma təəssüf ki, Ceylan futbolçunu transfer etmək istəyən klubun adını açıqlamayıb. Digər maraqlı məqam ondan ibarətdir ki, Gökham “Beşiktaş”dam maddi məsələlərə görə ayrılmaq istəyir. “Qara qartal” Türkiyə millisinin də şərəfini qoruyan müdafiəçiyə ildə 1.5 milyon avro təklif etsə də, Gökhan bu məbləği az görür. Nə ki, qaldı Gökhanın Azərbaycana gəlib gəlməyəcəyinə onu zaman göstərəcək. 

GÖKHAN ZAN...