"GÖYƏZƏN" - "QARABAĞ" 1:3

"GÖYƏZƏN"- 1.A.Ağacanov, 5.A.Qançuk, 6.L.Saqiaşvili, 7.N.Kərimov, 8.Z.Əsgərov, 15.D.Veremçuk, 16.T.Rzayev, 17.F.Əliyev, 19.E.Məmmədov, 20.E.Şəhniyarov, 22.A.Fisayo. "QARABAĞ"- 12.V.Kovalyov, 3.A.Kolinenko, 4.V.Boqaç, 6.S.Abbasov, 15.M.Orucov, 2.A.Kərimov(15.R.Musayev, 54), 21.İ.Məmmədov, 7.A.Məmmədov, 91.D.Sokolovski, 11.E.Özmən(19.E.İmaməliyev, 62), 9.S.Musayev. Sarı vərəqələr:5.A.Qanşuk(39), 19.E.Məmmədov(34)(Göyəzən); 6.S.Abbasov(56), 21.İ.Məmmədov(76)(Qarabağ). Qollar:9.S.Musayev(8,33), 21.İ.Məmmədov(90+3)(Qarabağ); 16.T.Rzayev (66)(Göyəzən). Oyun "Qarabağ"ın hücumları ilə başladı.5-ci dəqiqədə Samir Musayevin başla zərbəsi təhlükəli alındı.8-ci dəqiqədə isə sağ cinahdan gözəl drimlinq edən Engin Özmənin mükəmməl ötürməsi Samirın toxunuşu ilə qapıdan keçdi."Qarabağ"ın vurmaq istədiyi erkən qoldan sonra daha da aktivləşən futbolçular tamaşaçılara gözəl futbol həyəcanı yaşatdılar. 21-ci dəqiqədə Denisi cərimə meydançası yaxınlığında yıxdılar, İsmayılın cərimə zərbəsini isə qapıçı çətinliklə qapı xəttindən çıxara bildi.32-cü dəqiqədə əvvəl Aslan Kərimovun uzaq məsafədən zərbəsini qapıçı qaytarsa da Aqilin təkrar toxunuşu qapıdan azacıq aralı keçdi.33-cü dəqiqədə isə Samirin baş zərbəsini yenə də qaytarmaqda qapıçı aciz qaldı: 2:0. Bundan sonra Rəqib hissənin sonlarınadək kobud oyunla yadda qaldı ki, bu da iki oyunçunun sarı vərəqə alması ilə nəticələndi. İkinci hissə başlayan kimi Samir Musayev özünün oyunda üçüncü qolunu vurmağa çox yaxınlaşdı. Amma Samir Abbasovun ötürməsini məntiqi sonluqla başa vura bilmədi.Bir qədər sonra Engin Özmənin yanötürməsi də çox təhlükəli alındı. Amma son anda qapıçı inamla oynadı. 57-ci dəqiqədə əvvəlcə Samir, sonra isə Aqilin zərbələri dəqiq alınmadı. 66-cı dəqiqədə isə rəqibin nadir hücumlarından birində cərimə meydançasında top müdafiəçimizin əlinə dəydi ki, bunu da hakim 11 metrə ilə qiymətləndirdi. İlk zərbəni qapıçımız Vitaliy Kovalyov dəf etsə də, dönən topa çatan Rzayev təkrar zərbə ilə topu qapıdan keçirtdi.2:1. Bundan sonra oyun daha da sürətləndi.Meydan sahiblərinin qol vurmaq istıyi müdafiədə boşluqlar yatadırdı.Bunu isə dəyərləndirmək son ana kimi mümkün olmadı. Əvvəl qapıçı ilə təkbətək qalmış Aqilin qapıçını da keçdikdən sonra boş qapıya topu yönləndirə bilməməsi, sonra isə İsmayılın və Azərin zərbələri dəqiq alınmadı.Oyuna əlavə olunmuş 3-cü dəqiqədə isə İsmayıl meydanın mərkəzindən topu qəbul edərək qapıçı meydançasınadək sürətlə irəlilədi. Hamı onun ötürmə edəcəyini düşünərkən İsmayıl özünəməxsus keçidlə topu boş qapıdan keçirtdi.Bu isə "Qarabağ"ın növbəti qələbəsini rəsmiləşdirdi. Günü digər matçlarında "Karvan" öz meydanında "Gəncə"nin müqavimətini qıra bilmədi:1:1."Şəmkir" isə öz meydanında "Turan"la heç-heçə oynaya bildi: 1:1. "Göyəzən" - "Qarabağ" matçından foto görüntülərə FOTOQALEREYA bölməsindən baxa bilərsiniz.