HAKAN DEMİR: "BU KOMANDA İLƏ TARİX YAZACAĞIQ..."

“Qarabağ” Futbol Klubu uzun müddət Türkiyə superligasının aparacı orta sahə futbolçusu Hakan Dəmiri öz sıralarına qatdı. “Gənclərbirliyi”, “Bursaspor”, “Antalyaspor” komandalarının şərəfini qorumuş futbolçu qarşıdakı mövsümdən etibarən Azərbaycan çempionatında mübarizə aparacaq… -Futbola gəlişini nece xatırlayırsan? - 6 yaşında ikən, “Göztəpə” futbol məktəbinə yazıldım. Qısa zaman kəsiyində bu futbol məktəbinin mənə etdiklərini onlara qaytara bildim. Məndə olan perespektivi görən “Altın ordu” komandası məni məktəbdən transfer etdi. Təhsil aldığım komanda pul qazansa da, mən karyera qazandım. İlk millidəki karyeram da buradan başladım. U-16, U-17, U-18 milli yığmalara bu komandadan çağırıldım.Buradakı oyunum məni Türkiyə superligasına apardı. O zamanın transfer gündəmində şok sayılan 3 milyart Türk Lirası ilə “Altay”a keçdim. - İlk professional müqavilən de yəqin məhz bu komanda ilə oldu… - Yox, bir il öncə “Altın Ordu” ilə müqavilə bağladığımdan, “Altay”a transfer ilə keçdim. İki il orada oydağım dönəmdə həm də U-21 -in şərəfini qorudum. Müqaviləm bitdikdə mən “Beşiktaş”la müqavilə bağladım. Amma “Altay”da müqaviləmin 5 il görsənməsi məni bu kluba keçidime mane oldu. Lakin “Gənclərbirliyi” başqanı İlhan Cavcav “Altay”ın istədiyi pulu verərək məni öz komandasına qatdı. Bu komandada 6 il futbol oynadim. 2000-ci ildə isə üç futbolçunun qarşılığında “Bursaspor”a keçdim. Daha sonra 2002-ci ildə ailə problemləri səbəbindən Antalyaya qayıtmaq məcburiyyətində qaldım. Ailəmin orada yaşaması məni “Antalyaspor”lu etdi. Bu il müqaviləm başa çatdı... - Necə oldu ki, “Qarabağ”ın düşərgəsinə gəldiniz? - Son clubmda müqaviləm başa çatdığından menecerim vasitəsilə gələn təklifləri təhlil etdim. Azərbaycan Futbolunun son illər inkafda olduğunu və komandanın da hazırda Türkiyədə olduğunu bilib, komandanın düşərgəsinə təşrif buyurdum. - Siz komanda haqqında əvvəllər eşitmişdinizmi? - Dediyim kimi, Azərbaycan Futbolunun inkafda olduğunu bilirdim. Amma konkret “Qarabağ” haqqında az şeylər bilirdim. Lakin komandanın düşərgəsinə gəldikdən sonra təsəvvürlərim həddən artıq dəyişdi. Azərbaycanda belə səviyyəli komandanın olduğunu bilmirdim. - Burada qalmağınıza təsir edən əsas amil nə oldu? - Mən komandadakı ab -hava, futbolçular arasındakı münasibət, onların mənə ilk gündən göstərdiyi münasibət burada qalmağıma təsir gostərdi. Rəhbərliklə görüş isə bu fikirlərimi daha da konkretləşdirdi və burada qalmağıma qərar verdim. -Rəhbərliklə nə zaman görüşdünüz? - Baxışa gələndə Klubun Direktoru ilə tanış olmuşdum. Baş Məşqçi məni komandada saxlamaq qərarı verdikdən sonra isə şərtləri müzakirə etmək üçün onunla yenidən görüşdük. Buna qədər qaldığım 5-6 gün ərzində futbolçulardan rəhbərlik haqqında artıq müəyyən təsəvvürlər yaranmışdı. Xüsusilə Klub Vitse-Prezidenti Tahir bəy haqqında futbolçular çox yüksək fikirdədirlər. Onun futbolçulara böyük diqqət yetirdiyini, həmişə futbolçular arasında olduğunu oyrəndim . Bunun mənim üçün əhəmiyyəti böyükdür. Çünki klub rəhbərliyinin futbolçu ilə yaxşı münasibəti təcrübəmdən deyə bilərəm ki nəticəyə böyük təsiri var. Yaxşı münasibət , yaxşı şərait yüksək nəticə deməkdir. - Bildiyin kimi komandamız Azərbaycan Kubokunu aldı və indi UEFA-da mücadilə edəcək. Komandamızdan hansı nəticəni gözləyirsən? - İlk öncə deyim ki, mən “Qarabağ”a çempion olmaq üçün gəldim. Komandanın səviyyəsini görüb, buna nail olacağımıza əminəm. UEFA kubokunda isə ZİMBRU səddini komanda keçmək iqtidarındadır. Onların son matçının videoyazısa baxdıq. Uşaqlar arasında əhval ruhiyyədən çıxış edərək deyə bilərəm ki bu səddi də keçəcəyik. Rəhbərlik hər bir şəraiti bizim üçün yaradır, biz isə əvəzində onları, azarkeşlərimizi qələbəmizlə sevindirməliyik. - Azarkeşlərdən söz düşmüşkək, “Qarabağ” azarkeşlərinə mesajın… - Mən Kubokun final oyunun videoyazısını izlədim. Müdhiş azarkeş dəstəyi olan komandamız var. Onlara ən yaxşı sözlərə layiqdirlər. Onların gələn il çempionluq sevinci yaşadacağımıza inanmalarını istəyirəm. Biz onların istəyinə layiq gözəl futbol göstərən komanda olacağıq. Biz Avropada tarix yazacağıq...