HAZIRLIQ MATÇI: "QARABAĞ" 0 - 0 "METALLURQ" (UKRAYNA)

"Qarabağ" Futbol Klubu təlim məşqdə 4-cü yoldaşlıq oyununu Ukrayna təmsilçisi "Metallurq"a qarşı keçirdi.. "QARABAĞ" - C.Həsənzadə, S.Abasov, N.Məmmədov (İ.İsrafilov), T.İsrafilov (Ş.Xasaylı), M.Medvedev, Q.Beraya (T.Novruzov), N.Yusifov (F.Haqverdiyev), A.Kərimov, H.Dəmir (M.Əliyev), R.Əliyev (R.Qafarlı), K.Kərimov (E.Mustafayev). Komandamı oyuna itkilərlə çıxmışdı. Azər Məmmədov, B.İliç və H.İsgəndərov bu oyunda işitrak etmirdilər. Oyun sakit məcrada başladı. Matçın 2-ci dəqiqəsində Kənanın yandan keçidi təhlükəli alındı. 10-cu dəqiqədə isə ilk real qolimknı yarandı. Qoqanın 25-metrlik məsafədən zərbəsi qapı çatına dəydi... Hİssənin ortalarına doğru hər iki rəqib meydanın mərkəzi uğrunda mübarizə apardığından qapılar qarşısında təhlükəli vəziyyətlər demək olar ki yaranmadı. 31-ci dəqiqədə Nodarın ötürməsindən sonra Rauf iki oyunçu arasından asma etdi ki, qapı qarşısından heç bir futbolçu hücumu tamamlaya bilmədi. Hissədə son təhlükəli vəziyyət isə 43-cü dəqiqədə yarandı. Oyunun fəallarından olan Namiq Yusifovun ötrməsindən sonra Aslanın zərbəsini qapçı tuta bildi... İkinci hissədə heyətdə bəzi dəyişikliklər oldu. Bununla belə matçın 100%-li qol imkanını da "Qarabağ" yaratdı. Hakanın mükəmməl ötürməsini Kənan eyni gözəlliklə axlyaraq iki oyunçu geridə qoydu. Lakin hücumçunun zərbəsini inanılmaz tullanışla qapıçı kornerdən çıxarda bildi... İkinci hissədə qapılar qarşısında təhlükəli vəziyyətlər yaranmayınca oyun qolsuz heç-heçə ilə baş çatdı... Oyun haqqında Rasim Karanın fikirlərini digər yazıdan oxuya bilərsiniz.