HAZIRLIQ OYUNU: “ERZURUMSPOR” 2 – 2 “QARABAĞ”

“QARABAĞ” (ilk hissə): C.Həsənzadə, S.Abasov, H.İsgəndərov, A.Məmmədov, Ş.Xasaylı, M.Əliyev, T.Novruzov, N.Yusifov, İ.İsrafilov, H.Dəmir, K.Kərimov. Oyunda ilk hücum komandamız tərəfindən yaradıldı ki, nəticədə komanda küncdən zərbə qazandı. Asmaya ilk toxunan Kənan topu daha yaxşı mövqedə olan Azərə ötürdü ki, sonuncu topu boş qapıya göndərdi. Çarəsiz qalmış müdafiəçi əllə boş qapıdan topu çıxararaq qapısına 11 metrlik qazandırdı. Kənan dəqiq oldu- 1:0. İlk dəqiqədə vurulmuş qol rəqibi çaşın vəziyyətə saldı. Lakin təcrübəli rəqib tezliklə özünə gələ bildi. 15-ci dəqiqədə Mehranın zərbəsində azacıq dəqiqlik çatmadı. Bir dəqiqə sonra isə Hakanla Kənan iki müdafiəçi ilə üzbəüz qalsa da, sonda top itirldi. 22-ci dəqiqədə Kənan – Hakan – Mehran üçlüyü gözəl kombinasi ilə yadda qalsalar da, sonucunun təcrübəsizliyi öz süzünü dedi.Əvəzində rəqib fərqləndi. Bütün komanda ilə irəli atılmış “Qarabağ”lılar əks hücumun qurbanı oldular. Hücumçu Cahangirlə dueldən qalib ayrıldı – 1:1. 36-cı dəqiqədə Hakan qapıçı ilə təkbətək qalsa da, özünü yetirən müdafiəçi son anda topa toxuna bildi. 40-cı dəqiqədə isə hesab yenidən dəyişdi. Küncdən asma zamanı rəqib daha cəld tərpənərək heabı öz xeyrinə dəyişdi – 1:2. “Qarabağ” (II hissə) – A.Səlimov, S.Abasov, N.Məmmədov, T.İsrafilov, M.Medvedev, B.İliç, Ə.İsmayılov, A.Kərimov, F.Haqverdiyev, K.Kərimov, R.Əliyev. İkinci hissədə Rasim Kara demək olar ki, bütünlüklə “Bəylərbəyi” ilə oyunun ilk hissəsindəki heyəti meydana buraxdı. Oyunun gedişi göstərdi ki, bütün futbolçulara şans verməklə yanaşı baş məşqçi düzgün addım atdı. Rəqibə bir dəfə də olsun real qol vəziyyəti yaratmağa şans verməyən komandamız dəfələrlə qol epizodlarını boşa verdilər. Buna rəğmən son dəqiqələrdə komandamız bütünlüklə qapısına sıxılmış rəqibin qapısına yol tapa bildi. Samir Abbasova dəyən top qapı dirəyinə dəysə də, özünü yetirən gənc hücumçumuz Rauf Əliyev topu qapıdan keçirdi – 2:2. Beləliklə, komandamız ikinci yoldaşılq görüşündə də meydanı sülhlə tərk etdi. Növbəti rəqib Superliga təmsilçisi “Sivasspor”dur.