HAZIRLIQ OYUNU: "QARABAĞ" 3 - 1 "OLİMPİK"

Təlim məşqdən qayıtdıqdan sonra "Qarabağ" Futbol Klubu ilk hazılıq oyununu "Olimpik" klubuna qarşı keçirdi... "QARABAĞ"- C.Həsənzadə(E.Cəfərov), S.Abasov (A.Şərifov), N.Məmmədov (C.Nəsibov), H.İsgəndərov, M.Əliyev (N.Kərimov), A.Kərimov, B.İliç (F.Rəhimov), Q.Beraya (Ə.İsmayılov), H.Dəmir (E.Mustafayev), K.Kərimov (Ş.Xasaylı), V.Cavadov(O.Bəşirov). Oyuna "Qarabağ" sürətli hücumlarla başladı və bunun nəticəsi olaraq 6-cı dəqiqədə hesab açıldı. Mühran Əliyevin ötürməsini bu oyunda debüt edən Vaqif Cavadov qapıdan keçirdi-1:0.Üç dəqiqə sonra Vaqif dublunu rəsmiləşdirməyə yaxın oldu. Lakin Rauf Mehdiyevin səhvini hücumçumuz bağışladı. 12-ci dəqiqədə İliçin ötürməsini müdaqfiəçini qabaqlayan Kənan başla doqquzluğa göndərdi. 17-ci dəqiqədə isə hesab arasındakı fərq artdı. Saamirin zərbəsini qapıçı dəf edsə də özünü yetirən Vaqifin qarşısı kobudluqla alındı. 11 metrlik cərimə zərbəsini isə Kənan dəqiq yerinə yetirdi... 2 dəqiqə sonra Qoqanın 25 metrlik məsafədən zərbəsini Rauf Mehdiyev çətinliklə qapı tirindən yuxarı yönəldə bildi. Lakin 30-cu dəqiqədə Qoqa öz istəyinə çatdı. Kənan - Vaqif - Qoqa üçgedişli kombinasiyasını sonuncu mükəmməl zərbə ilə tamamladı- 3:0.Hissə sonuna qədər "Qarabağ" daha iki 100%-li kommbinasiyadan istifadə edə bilmədi. Əvvəlcə hakanın qapı qarşısında topu inanılmaz zərbə ilə yuxarı vurması, 44 dəqiqədə isə Vaqifin qapıçı ilə təkbətək epizodda fəqlənməməsi "Olimpik"i daha böyük məğlubiyyətdən xilas etdi... İkinci hissədə 8 futbolçusu U-19-da olması səbəbindən "Qarabağ"ın 3 və 4-cü heyətlərindən ehtiyata çağrılmış futbolçular meydana buraxıldı (heyətdə mötərizədə yazılmış futbolçular). Buna rəğmən "Olimpik" yalnız bir dəfə fərqlənə bildi ki, buna da yağan qar səbəbindən topun qapıçımız Cahangir Həsənzadənin əlindən sürüşməsi səbəb oldu. Oyun sonrası Baş Məşqçimiz Rasim Kara komandanın oyununu bir cümlə ilə xarakterizə etdi: "Bir aylıq məşqlərdən sonra belə oyun oynayan komandamla fəxr edirəm!"