Hazırlıqlar davam edir

`Qarabağ`ımız hazırlıqlarını davam etdirir. Həftəsonu, daha dəqiq desək, Fevralın 14-ü premyerliqanın ikinci dövrəsinin ilk turunda `Bakılı`yla qarşılaşacaq komandamız gündə 2 dəfə məşq edir. Dünən ilk olaraq köhnə `Neftçibaza`ya yollanan komandamız  günün ikinci məşqi üçün  Suraxanı qəsəbə stadionuna yollanıb. Bu gün də eyni marşurutla hərəkət edən komandamızda zədəlilərin sağalması üzləri güldürür. Aftandil Hacıyev, Maksim Medvedev və Sedat Saini kollektivlə çalşmaları davam etdirir. Aftandil Hacıyev 4-cü sarı vərəqədən yaranmış cəzaya görə ilk turu buraxmalı olacaq. Amma digər adıçəkilən şəxslər baş məşqçi şans verəcəyi təqdirdə meydanda ola biləcək.

Nəzərinizə çatdıraq ki, 6-cı gün oyun saat 14:00-da keçiriləcək.