HAZIRLIQLARIMIZ DAVAM EDİR

Premyerliqanın ilk yarısı sona yaxınlaşdıqca rəqabət getdikcə artır. Çempionluğa iddialı 7 komandanın olması vəziyyəti yetərincə gərginləşdirib. Təbii ki, bu da çempionatımıza marağı artırıb.

12-ci turda komandamız səfərə yollanacaq. Son ölkə kubokunun sahibi “Xəzər-Lənkəran”la matçımız bazar günü keçiriləcək. Sonuncu turda “İnter”lə matçdan sonra  1 günlük istirahət edən komandamız artıq fəal məşqlərə başlayıb. Gündə iki dəfə məşq edən komandamız daha çox Zabrat  qəsəbə stadionunda istifadə edir ki, bunun da səbəbi məlumdu: Suraxanı qəsəbə stadionunun millinin sərəncamında olması. Komandamız cümə gününə qədər məşqlərini Bakıda davam etdirəcək.

Komandamızda sadəcə zədə ucbatından Aleksandr Qoqaberişvili məşqlərdən kənarda qalıb. Gürcü legionerin Lənkərana yollanmayacağı dəqiqləşib.

6-cü günü səhər Lənəkəran yollanacaq komandamız oyun gününə qədər matçın keçiriləcəyi şəhərdə qalacaq. Onu da qeyd edək ki, matçın 18:00-da keçirilməsi planlaşdırılır. Oyunun Aztv –ilə canlı yayımlanacağı da qeyd edək.