“Hekken” - “Qarabağ” oyununun biletləri satışa çıxarılacaq

UEFA Avropa Liqasının qrup mərhələsinin 2-ci turunda keçiriləcək “Hekken” (İsveç) - “Qarabağ” matçında komandamızı dəstəkləmək istəyən azarkeşlər üçün ayrılmış biletlər satışa çıxarılacaq. Bunun üçün 1800 ədəd bilet nəzərdə tutulub.

Satışa oyun günü - oktyabrın 5-i yerli vaxtla 19:00-dan etibarən start veriləcək. Biletlər qarşılaşmanın keçiriləcəyi "Ullevi" stadionunun 8-ci qapısının qarşısında satılacaq.

Biletin qiyməti 22 avrodur. Komandamızın azarkeşlərindən bilet almağa gələrkən şəxsiyyəti təsdiq edən sənəd götürməsi tələb olunur.