I DƏSTƏ: "QARABAĞ - 2"NİN DEBÜT UĞURU. . .

"Qarabağ-2" 1 - 0 "MKT-Araz-2" Azərbaycan Çempionatının I dəstəsində üçüncü turun oyunları keçirilməsinə baxmayaraq, "Qarabağ"ın əvəzediciləri ilk oyununa çıxdı. İlişlinin "MKT-Araz 2" komandasını qəbul edən komandamız Azərbaycan Çempionatları tarixində debüt oyununa uğurlu start verdi. Oyunun gərgin keçməsinə baxmayaraq, əsasən 1987-88-ci il təvəllüdlü yeniyetmələrdən təşkil olunmuş "Qarabağ-2" rəqibini məğlub edə bildi. Hər iki komandanın qol vurmaq üçün imkanları olsa da, qapısının toxunulmazlığını qoruyan "Qarabağ-2" rəqib qapısına yol tapa bildi. Oyunda vurulmuş yeganə qolun müəllifi isə Rza Qafarlı oldu. Oyundan sonra Baş Məşqçi Elşad Xudadatov fikirlərini bölüşdü: "Əlbətdə sevinirəm. Oyunun çətin keçəcəyini bilirdim. Rəqib güclü komandadır. Uşaqlar verdiyim tapşırığın öhdəsindən gəldilər və biz vacib üç xal qazanaraq, çempionata start verdik..." Xatırladaq ki, komandamızın növbət oyunu oktybrın 1-də Sabirabadda "Muğan" klubuna qarşı olacaq.