İLK OYUNDA QƏLƏBƏ

Bakı birinciliyi sona yaxınlaşmaq üzrədir. Xəbər verdiyimiz kimi, “Qarabağ”ın gənclərdən ibarət komandası da yarışda iştirak edir. Komandamızın yarımfinal mərhələsinə yüksəlmənizdən xəbəriniz var. Yaşar Hüseynovun yetirmələri “Atəşgah”la qarşılaşıb. Buzovna stadionunda keçirilən matc yetərincə gərgin alınıb. İlk olaraq Binəqədi təmsilçisi hesabı açıb. Az sonra komandamız daha bir xoşa gəlməz halla üzləşib. Yasin Yaqubov qırmızı vərəqə alaraq meydandan qovulub. Buna baxmayaraq komanda ruhdan düşməyib. 61-ci dəqiqədə Telman Bayramlı hesabı bərabərləşdirməyə müvəffəq olub. Hücumlarını davam etdirən komandamız tezliklə, hesabı öz xeyrinə dəyişməyi bacarıb. Telmanın dublu komandamızı irəli çıxarıb. Komandamızın səylərinə baxmayaraq hesab dəyişməz qalıb və “Qarabağ-2” kollektivi ilk görüşdə minimal hesablı qələbə qazanıb. Xatırladaq ki, cavab görüşü ayın 25-i keçiriləcək.