İLK RƏQİB- "VESTEL MANİSASPOR" !

"Qarabağ" Futbol Klubu hazırlıq planına uyğun olaraq təlim məşq prosesini davam etdirir. Hazırlığın bu günü gündəlik üç dəfəlik məşqlərə ara verən komanda səhər saunada yorğunluğu ataraq, daha sonra hovuz vaxtlarını daha əyləncəli vəsəmərəli keçirdilər. Axşam saatlarında isə komanda günün yeganə məşqinə yollandı....

Təlim məşqin tərkib hissələrindən biri də hazırlıq oyunlarıdır. Komandanın hazırlığının nə səviyyədə olması, komandaya cəlb olunmuş oyunçular arasında anlaşmanın dərəcəsini bilmək üçün belə oyunların olması qaçılmazdır.Bu səbəbdən "Qarabağ" Futbol Klubu da belə hazırlıq oyunları keçirmək niyyətindədir. Artıq iki oyunun vaxtı və oynanacaq komandaların adları məlumdur.

Beləliklə ilk rəqib Giray Bulakın rəhbərlik etdiyi, Türkiyə Superligasında öz dəsti xətti olan VESTEL MANİSAPOR komandasıdır. Lukas Zelenka,Serkan Akın, Okan Koç,Filip Holosko,Rafael Margues kimi ulduz oyunçuların yığışdığı bir komanda ilə "QARABAĞ" 07.07.2007-ci il tarixində Patalya otelin meydançasında qarşılaşacaqlar.

"Qarabağ" Futbol Klubunun qarşılaşacağı 2-ci rəqib də Türkiyə Superliga komandasıdır. Bu il göstərdiyi oyunla Yüksək dəstəyə vəsiqə qazanmış komandanın adı İSTANBUL B.B. SPOR -dur.Bu komanda ilə "Qarabağ" Futbol Klubu 12 iyul tarixində qarşılaşmağı planlaşdırmışdır.

Komandanın digər oyunlarının vaxtları və rəqiblərinin adları dəqiqləşdikcə ilk olaraq sayt ziyarətçilərimiz məlumat alacaqlar....